A Prehistoria: introdución

A HISTORIA consiste no estudio científico da vida dos homes no pasado. O tempo histórico divídese convencionalmente en etapas definidas por uns límites cronolóxicos e algúns trazos comúns. A PREHISTORIA constitúe o primeiro destes períodos. Abrangue dende a aparición do ser humano no planeta, hai preto de 3.000.000 anos, ata o descubrimento da escritura, acontecido no IV milenio a.C. Representa, polo tanto, a meirande parte da historia da humanidade. 

O PROCESO DE HOMINIZACIÓN.

O primeiro problema que presenta o estudio da Prehistoria consiste na determinación do momento de aparición do home sobre o planeta Terra. Neste sentido, hai que ter en conta que o home actual é o resultado dun longo proceso evolutiva, a hominización, que comezou cos seus primeiros devanceiros, denominados homínidos, Hai que ter en conta que o home actual é o resultado dun longo proceso evolutivo, a hominización,  que comezou cos seus primeiros devanceiros, denominados homínidos, hai máis de 5.000.000 anos. Este proceso materializouse nunha serie de cambios anatómicos e culturais. Entre eles compre salientar:

• A marcha bípeda e a posición ergueita permitiron a ampliación do campo visual e a liberación das mans que, unida ao desenvolvemento do polgar opoñible, facilitaron a elaboración de utensilios.

• O aumento da capacidade do cranio e, conseguintemente, do volume do cerebro. Parellamente a fronte aplanouse, apareceu o queixo e diminuíu o tamaño das mandíbulas e dos dentes.

• O desenvolvemento dunha linguaxe articulada, que posibilitou a transmisión dos coñecementos de xeración en xeración e o desenvolvemento das actividades intelectuais (arte, crenzas...)

FONTE: http://berkeley.edu/news/media/releases/2009/10/images/ardi-timelineHR.jpg

Reconstrución facial do homo habilis
Atribución: By CICERO MORAES
(Own work) [CC-BY-SA-3.0],
via Wikimedia Commons

Aínda que os científicos seguen sen pórse de acordo sobre o desenvolvemento concreto do proceso de hominización, si hai un certo consenso en considerar ao homo habilis, que habitou no continente africano entre hai 2'5 e 1'5 millóns de anos, como o primeiro representante do xénero humano ao ser quen de elaborar os seus utensilios (de aí a súa denominacion). A partir del identíficanse diversos especimes que sinalan as etapas da evolución ata o home actual:

• O homo erectus (dende hai 1'7 millón de anos ata hai uns 400.000) foi a primeira especie que saiu do continente africano expándendose por Asia e Europa. Coñecía e usaba o lume e poida que utilizase as primeiras formas de linguaxe.
• O homo neanderthalensis habitou en Europa e Asia occidental entre hai uns 230.000 e uns 25.000 anos. Durante un logo período de tempo conviviu na súa área de difusión co home actual. Malia as semellanzas co home actual non se trata dun antepasado directo del senón dunha póla paralela da árbore evolutiva humana. Foi quen de fabricar lume, de elaborar ferramentas cada vez máis especializadas e de desenvolver un certo sistema de crenzas (enterramento dos mortos, probable culto ao oso cavernario).
• O homo sapiens, aparecido no continente africano hai máis de 150.000, é a especie da que formamos parte. Estendeuse por tódolos continentes e comezou a desenvolver un complexo mundo intelectual que ten na arte (pintura rupestre, gravado, escultura...) a súa manifestación máis sobranceira.

Para ampliar os teus coñecementos sobre o proceso de hominización podes ir ás seguintes ligazóns:

DEL SIMIO AL HOMBRE MODERNO		BECOMING HUMAN
HANDPRINT: HUMAN EVOLUTION		JOURNEY OF MANKIND

AS ETAPAS DA PREHISTORIA.

Para o seu estudio, os investigadores adoitan dividir a Prehistoria en diversos períodos articulados segundo aparece nesta ilustración:

Se utilizamos unha táboa de entrada múltiple, poderemos ter unha comprensión máis axeitada das mudanzas acontecidas durante a Prehistoria.